17 жастағы жасөспірім даладан граната тапты, деп хабарлайды 7152.kz тілшсі Polisia.kz сілтеме жасап.
Қызылжар ауданындағы ауылдардың бірінің 17 жастағы тұрғыны айдаладан коррозия іздері бар граната тәрізді затты тауып алып, тәтесінің үйіне алып келген. Тәтесі полицияға хабар береді. Соколов ауылдық полиция бөлімшесінің қызметкерлері оқиға орнын қоршауға алды. Қауіпті зат арнайы контейнерге орналастырылғанға дейін, жақын маңдағы үш үйдің жеті адамы қауіпсіз жерге шығарылды. Болжам бойынша, бұл «RGD» гранатасы, «UZRGM»тұтандырғышы бар.
-Граната сараптамаға жіберілді, содан кейін арнайы жағдайларда жойылады. Естеріңізге сала кетейік, жарылғыш құрылғыларға ұқсас заттар табылған кезде зарядтың өздігінен іске қосылуын болдырмау үшін оларды жылжытуға және оларға қол тигізбеген жөн, — деді аудандық ПБ бастығыныңм.а Нұрлыжан Ақтанов.
Тағы да оқыңыздар: 23 жастағы жігіт пневматикалық тапаншадан оқ атқан