Облыста үй жануарлары мен құсқа екпе егуге 441 млн теңге бөлінді

Облыста үй жануарлары мен құсты   түрлі ауруларға қарсы вакцинациялау жұмыстары жүргізіліп жатыр. Бұл жұмыстарға облыс бюджетінен 441 млн теңге шамасында қаражат бөлінген, деп хабарлайды 7152.kz тілшісі.

СҚО ветеринария басқармасының мәліметінше, екпе науқаны басталғалы 133 мың ірі қарадан сынама алынып, 134-де бруцеллез табылған.Ауру сиырлардың көзі жойылды. Ірі қара мал арасында туберкулез дерті анықталмаған. Бүгінгі таңда вакцинациялау жұмысы 60 пайызға орындалып, 900 мыңға жуық құс пен үй жануарына екпе салыныпты. Жалпы облысқа республикалық қордан препараттардың 1 млн 941мың дозасы жеткізілді. Бұл көктемгі вакцинациялауға арналған, ал қалған ветеринариялық препараттар күзгі маусым қарсаңында келеді. Мамандардың айтуынша, вакцина сібір жарасына, пастереллез, дерматитке, құс тұмауына, туберкулезге, құтырмаға және басқа да ауруларға қарсы егіледі. Көктемгі вакцинациялау науқанын мал дәрігерлері мамыр айында аяқтауды жоспарлап отыр.

Тағы да оқыңыздар:Саяжайда шыққан өрттен ер адам көз жұмды