Петропавлда фармацевтикалық зауыт салынады

Петропавлда дәрі-дәрмек шығаратын зауыт ашылады. Оны ресейлік инвесторлар жүзеге асырмақ, деп хабарлайды 7152.kz тілшісі.

Жаңа жоба туралы өзінің әлеуметтік парақшасында облыс әкімі Құмар Ақсақалов жазды. Зауыт  «Qyzyljar» арнайы экономикалық аймағында орналасатын болады. Бұл жобаны ресейлік инвесторлар қолға алып отыр.

-Облыста тағы бір кәсіпорын пайда болады. Бүгін біз «Велфарм» (Мәскеу) компаниясының ресейлік инвесторларымен Петропавлда фармацевтикалық зауыт салу туралы келісімге келдік. Келіссөздер алты айға созылды.  Фармацевтикалық зауыт дәрі-дәрмектер шығаратын болады. Қазір фармацевтикалық жобаны «Qyzyljar» арнайы экономикалық аймағына енгізу бойынша жұмыс жүргізілуде.  Мемлекет барлық инфрақұрылымды тартады.  Инвесторлар жобаға 15 миллиард теңге құюға дайын. 200 жаңа тұрақты жұмыс орны құрылады.  Осы жобаның арқасында экономика жаңа серпін алады, ал аймақ жергілікті дәрі-дәрмектермен қамтамасыз етіледі,- деп жазды Құмар Ақсақалов.

Тағы да оқыңыздар: Өңірге БАӘ шығарылған «Hayat-Vax» вакцинасының 13 мың дозасы жеткізілді