• Главная
  • «Керуен-сарайдың» виртуалды нұсқасы пайда болады
NIS
10:18, 30 июня
Надежный источник

«Керуен-сарайдың» виртуалды нұсқасы пайда болады

NIS
«Керуен-сарайдың» виртуалды нұсқасы пайда болады

Көпшіліктің көзайымына айналған Түркістан қаласындағы «Керуен-сарайдың» виртуалды нұсқасы пайда болады деп хабарлайды 7152.kz тілшісі.

«Туған елге тағзым» экспедициясына қатысқан Петропавл қаласындағы NIS оқушылары бірегей ғимараттың құрылысы, дизайнының ерекшеліктерін зерттеді. Енді студенттер «Minесraft» платформасында туристік нысанның тура көшірмесін жасайды. Онда кез келген адам компъютер алдында отырып-ақ, «Керуен-сарайда» саяхат жасай алады.

Биыл пандемияға байланысты «Туған елге тағзым» жобасын жүзеге асыруда өзгешеліктер болды. Оқушылар желілік сайысқа қатысып, өздерінің түрлі экспедициялық зерттеулерін ұсынды.Айғаным қонысы, Ағынтай мен Қарасай батырлар кесенесі сынды музейлердің виртуалды дәл көшірмесін жасадық.Мен оқушыларға жетекшілік еттім. Азат Аңдамасов, Абинұр Асқармен ДаниярРамазан есімді оқушылардан құралған топ жүлделі орынға ие болды. Осылайша киелі Түркістан жерінде саяхат жасауға мүмкіндік беретін жолдаманы еншіледік», – дейді Петропавл қаласындағыNIS директоры, экспедициялық топ жетекшісі Данияр Уәлиев.

Оқушылар экспедиция аясында киелі Түркістан жеріндегі Арыстан-Баб кесенесі, Керуен сарай, Гауһар ана мавзолейі, Отырар орталығы, Қожа Ахмет Яссауи кесенесі сынды тағы басқа нысандарды аралады. Шымкент қаласына сапар шекті.

–Түркістан сапары – ұмытылмас күндерге айналды. Біз тарихи-мәдени нысандарды аралағанда жай ғана турист ретінде емес, ғимараттардың ерекшелігіне құрылысшы, архитектор ретінде қарауға тырыстық. Өйткені біздің алдымызда үлкен жауапкершілік тұр. Жұмысқа кірісіп кеттік. Виртуалды әлемде бұл ғимараттардың әсемдігін барынша бейнелеуге күш саламыз, –дейді Азат Аңдамасов.

Жас туристер қазақ шежіресі жайында мол мағлұмат алып, ғимараттардың құрылысын зерттеді. Жас зерттеушілер болашақта «Minесraft» платформасында өздері жасаған виртуалды музейлер мен тарихи орындардың санын арттыра түспек.

Тағы да оқыңыздар:Карантиндік режимді бұзғандарға 38 млн 434 мың теңге айыппұл салынды

Если вы заметили ошибку, выделите необходимый текст и нажмите Ctrl+Enter, чтобы сообщить об этом редакции
##СҚО жаңалықтары #Петропавл жаңалықтары #білім беру #қашықтан оқу#виртуалды қала#NIS

Комментарии

Объявления
live comments feed...