Ұлттық домбыра күні

Бүгін – Ұлттық домбыра күні. 2018 жылдан бері шілденің алғашқы жексенбісі қазақтың төл аспбының күні ретіне тойланып келеді, деп хабарлайды 7152.kz тілшісі.

Зерттеушілердің айтуынша, домбыра туралы алғашқы ғылыми деректер әл Фарабидің жазбаларында «тамбур» деген атпен кездеседі. Домбыра жер бетінде кеңінен тараған шертпелі аспаптардың қатарына кіреді. Өнертанушылар мен тарихшылар мұндай аспаптар ғылымда Х ғасырдан бастап белгілі деп тұжырымдайды. Алайда 2010 жылы елдегі БАҚ тарихы біздің заманымыздың V ғасырынан басталатын «ата домбыра» табылғанын айтқан болатын.  1500 жыл бұрын қоданыста болған делінетін көне аспап Алтай тауының Моңғолия жағындағы Үңгіртас деген үңірден табылған. 

Ұлттық домбыра күні мереке ретінде аталып өте бастағанын 5 жыл толмаса да, халық санасына тез сіңіп, ең бір айтулы күнге айналып шыға келді. Қазақ даласының әр түкпірінде қасиетті аспапқа арналған ескеркіштер мүсіндер бой көтеріп үлгерді. Әзірге солардың ішінде ең шоқтығы биігі - Тараздағы 7,5 метрлік «Домбыра» ескерткіші. Домбыраны мектепке пән ретінде енгізу ұсыныстары  айтылып жүр. Бұл идеяны Президент Қасым-Жомарт Тоқаев 2019 жылы Ұлттық домбыра күніне арналған шарада сөз сөйлегенде  қолдайтынын айтты. 

2014 жылы қазақтың күй өнері мен киіз үй ЮНЕСКО-ның материалдық емес мұраларының тізіміне кірген. Осылайша домбыра шанағынан шыққан қазақ күйлері ЮНЕСКО-ның да қамқорлығына өткен.

Тағы да оқыңыздар: Облыста қағаз шығаратын фабрика ашылады