Бескөл ауылында балық ауа райынан қырылған

экология

Қызылжар ауданы Бескөл ауылындағы Қарабек көлінде балықтың қырылуына ауа райы себеп болған. Бұл туралы Есіл облысаралық бассейндік балық шаруашылығы инспекциясының мамандары айтты туралы деп хабарлайды 7152.kz тілшісі ҚазАқпаратқа сілтеме жасап.

-Маусымның соңы мен шілде айының басында бірнеше күн ыстық және тымық ауа райы сақталды. Осыған байланысты көл бетінде үлдір пайда болған. Мұндай жұқа қабық оттегіні өткізбейді. Көл суында органика жоғары, ол шіру арқылы оттегіні жояды. Салдарынан балық оттегі жетіспеушілігінен қырылып қалған, - дейді Есіл облысаралық бассейндік балық шаруашылығы инспекциясының бөлім басшысы Ильдар Кәкімов.

Маманның айтуынша, Қарабек көлінде 560 кг балық қырылған. Естеріңізге салайық, 4 шілде күні әлеуметтік желіде Қызылжар ауданы Бескөл ауылының тұрғындары жергілікті көлде балықтың қырылып жатқанын жариялап, жұрттың назарын аударған еді.

Если вы заметили ошибку, выделите необходимый текст и нажмите Ctrl+Enter, чтобы сообщить об этом редакции

##СҚО жаңалықтары #Петропавл жаңалықтары #Қызылжар ауданы # балық қырылды

Қалиева Гүлнара

Корреспондент