Тамыз айында карантин талаптарын бұзған өңір тұрғындары 2,5 млн теңге айыппұл төледі

СҚО-да күн сайын карантиндік режимді бұзушылықтарды анықтау бойынша мониторингтік іс-шаралар жүргізілуде. Тек айдың басынан бері 43 солтүстікқазақстандық әкімшілік жауапкершілікке тартылды, деп хабарлайды  7152.kz тілшісі. 

-Тамыз айында мониторингтік топтар 185 рейд өткізіп, 1616 нысанды тексерді, - деді брифингте СҚО санитариялық-эпидемиологиялық бақылау департаменті басшысының орынбасары Арман Күшбасов. - Құқық қорғау органдарының қызметкерлері 43 хаттама толтырды.

Бизнес субъектілерінің өкілдерінен басқа үй карантинін бұзған 14 адам жауапкершілікке тартылды. Қызыл мәртебе иелерін аймақтағы екі мыңнан астам нысан қатысатын Ashyq жүйесінің арқасында анықтауға болады. Карантин талаптарын бұзған жерлестеріміз 2 552 375 теңге айыппұл төледі. 

Тағы да оқыңыздар: Бірнеше адамды интернет арқылы алдаған жігіт Алматыда ұсталды