Халыққа қызмет көрсету орталықтары 5 күндік жұмыс кестесіне көшеді

Қазақстанның ХҚКО-лары үшін дүйсенбіден жұмаға дейін сағат 9.00-ден 18.00-ге дейін бірыңғай жұмыс кестесі енгізіледі. Сенбі және жексенбі демалыс күндері, деп хабарлайды 7152.kz тілшісі.

Бұл ретте, қызмет алушыларға ыңғайлы болу үшін республиканың әрбір өңірінде кезекші ХҚКО-ларды қалдыру туралы шешім қабылданды. Олар мемлекеттік қызмет көрсету үшін жұмыс күндері сағат 9.00-ден 20.00-ге дейін жұмыс істейді.

2021 жылғы 08 қыркүйектен бастап Петропавл қаласының №1 Халыққа қызмет көрсету бөлімі дүйсенбіден жұмаға дейін сағат 9.00-ден 20.00-ге дейін жұмыс істейтін болады. Қауіпсіз және бейтарап мәртебесі бар клиенттер Мемлекеттік қызметтерді міндетті түрде алдын ала брондаусыз ала алады. Бұдан басқа, «Азаматтарға арналған үкімет» мемлекеттік корпорациясы талондарды беру жүйесін «Ashyq»-пен біріктірді. Бұл ХҚКО-да кезекке талондарды беру кезінде клиенттің мәртебесін тексеруге мүмкіндік береді. Терминалда клиенттің ЖСН теру кезінде ақпарат «Ashyq» жүйесіндегі деректермен салыстырылады, қауіпсіз емес мәртебе анықталған кезде бағдарлама талонды басып шығарудан бас тартуды көрсетеді.

ХҚКО-ға барған кезде санитарлық-эпидемиологиялық талаптарды сақтау қажет: бетперде режимі, әлеуметтік қашықтықты сақтау.

Тағы да оқыңыздар: 15 қыркүйектен бастап тұмауға қарсы екпе егіледі