Облыстың тұрақтандыру қорында 3 мың тоннадан астам өнім бар

Қазіргі уақытта тұрақтандыру қорынан ірі көлемде қарақұмық жармасы, күріш, күнбағыс майы, ұн, макарон өнімдері, қант, тұз, құс еті мен көкөністер сатылуда. 19 түрлі әлеуметтік маңызы бар азық-түлік өнімдерінің 12 түрі 26 сауда желілерінде және базарлардағы  тұрақтандыру қорының сауда орындарында сатылып жатыр, деп хабарлайды 7152.kz тілшісі.

Азық-түлік өнімдерінің барлығы дерлік жергілікті тауар өндірушілерден сатып алынды. Қордың жұмысы туралы ақпарат «Nur Otan» партиясы СҚОФ жанындағы өңірлік даму жөніндегі қоғамдық кеңестің отырысында жарияланды.

Кәсіпкерлік және индустриялық-инновациялық даму басқармасы басшысының орынбасары Данияр Исаевтың айтуынша, 2022 жылға 5 мың тоннадан астам  өнім сатып алынған. Тағы 3 мың 935 тонна сатып алу жоспарда бар.  Сауда желілерінің, көтерме саудамен айналысатын кәсіпорындардың басшыларымен және кәсіпкерлермен әлеуметтік маңызы бар азық-түлік өнімдерінің бағасын төмендету туралы 619 меморандумға қол қойылды. Осыған қарамастан, өңірлік даму жөніндегі кеңестің төрағасы мемлекеттік органдар тарапынан бағаны негізсіз көтеретін нарық субъектілеріне бақылауды күшейтуді, сондай-ақ тамақ өнімдеріне шекті бағаларды белгілеуді ұсынды.

Қоғамдық кеңесте төрт түлікті жемазықпен қамтамасыз ету мәселесі де қозғалды. Қазір облыста шамамен 390 мың ірі қара мал, 430 мың қой-ешкі және 134 мың жылқы бар. Мал қыстап шығуы үшін 850 мың тонна шөп дайындау қажет.

- Осы уақытқа дейін облыс бойынша 833 мың тонна шөп дайындалды, бұл қажеттіліктің 98 %-ы. Бұдан басқа жеткілікті деңгейден артық - 197,9 мың тонна пішендеме, 106,7 мың тонна сүрлем - қажеттілік 194 мың тонна және 242,3 мың тонна сабан – қажеттілік 784 мың тонна дайындалды. Жеке қосалқы шаруашылықтар үшін 498,3 мың тонна шөп әзірленді, бұл қажеттіліктің 97,7% құрайды. Облыс бойынша 122 мың жеке тұрғын үй бар, оның жартысы мал ұстайды. Бұл тұрғындар 98 % шөппен қамтамасыз етілген, - дейді ауыл шаруашылығы және жер қатынастары басқармасының басшысы Мейрам Меңдібаев.

Тағы да оқыңыздар:Ел бойынша коронавирус жұқтырғандар саны 854 742-ге жетіп отыр