Солтүстікте түнде аяз күтілуде

Синоптиктер 21-23 қыркүйекке арналған ауа райы болжамын ұсынды. Оған сәйкес, алдағы үш күнде еліміздің бірқатар өңірінде күн салқындайды деп, хабарлайды 7152.kz тілшісі. 

Синоптиктердің болжамынша, алдағы үш күнде еліміздің батысында, оңтүстік пен оңтүстік-шығыстың таулы аудандарында жаңбыр жауады. Солтүстік пен шығыста екпінді жел соғып, аздаған жаңбыр жауады деп күтілеуде.

Батыста түнде 3-17 градус, күндіз 12-28 градус жылы болмақ. Солтүстік-батыста түнде 0-7 градус жылы болады. Одан бөлек, түнде 3 градус аязда болуы ықтимал. Ал күндіз 8-23 градус аралығында жылы болмақ.

Солтүстікте түнде ауа температурасы 0-5 градус жылы болады және 3 градус аяз күтіледі, күндіз 6-11 градус жылы болады.

Орталықта және облыстың шығысында түнде 0-5 градус жылы болады әрі 3 градус аяз күтіледі. Күндіз ауа температурасы 6-дан 16 градусқа дейін көтеріледі. Оңтүстік және оңтүстік-шығыста сынап бағанасы түнде 4-15 градусты, күндіз 17-28 градус жылылықты көрсетеді.

Тағы да оқыңыздар: Медициналық мекемелерде видео түсіруге қойылған шектеу алынып тасталды