• Главная
  • Облыс орталығындағы бірнеше нысанға Алаш арыстарының аты берілмек
ономастика
18:00, 21 сентября 2021 г.
Надежный источник

Облыс орталығындағы бірнеше нысанға Алаш арыстарының аты берілмек

ономастика
Облыс орталығындағы бірнеше нысанға Алаш арыстарының аты берілмек

Петропавлда бірнеше нысанға Алаш қайраткерлерінің аты берілетін болды, деп хабарлайды 7152.kz тілшісі Егемен Қазақстан газетіне сілтеме жасап.

Жуырда Солтүстік Қазақстан облыстық ономастикалық комиссиясының отырысы болып, онда ұлтын қолдап, қорғап, қара бастарына келген қауіп-қатерге қарамай күрескен Алаш ардақтыларының аты ұлықталды. Комиссия төрағасы, облыс әкімінің орынбасары Ғани Нығыметов елімізде санақ жүргізіліп, нысандарға ат беру немесе ауыстыру мәселелерінің кейінге қалдырылғаны туралы шешімнің тыйым салынбаған тұстары табылғанын айтты.

-Санақ жүруіне байланысты ат бе­руге тыйым салу көшелер мен елді ме­кен­дерге қатысты. Ал білім беру меке­мелері мен басқа орындарға оның қатысы жоқ. Сондықтан біз бастаған ісімізді одан әрі жалғастырып, облыс орталығында ешкімнің аты бе­рілмеген білім ордаларына Алаш қай­раткерлерінің есімін беру керек деп шештік. Барлық міндетті шаралар өткізілді. Мектеп ұжымдарымен кездесулер болып, олардың келісімдері алынды-, деді Нығыметов.

Сонымен қаланың «Береке» шағын ауданындағы №25 мектепке Алаш кө­семі Әлихан Бөкейханның есімі, №9 мек­теп­ке ұлт ұстазы Ахмет Бай­тұр­сынұлының аты берілетін бол­ды. Ал халқымыздың ғажап ұлдары­ның бірі, қазақ атын әлемге алғаш та­ны­тушы, классикалық күрестен дү­ние ­жүзінің чемпионы болған күш атасы Қажымұқанның есімі Ұлттық спорт түрлері бойынша балалар мен жасөспірімдерге арналған спорт мек­тебіне берілетін болды. 

Ал халқымыздың арда азамат­та­рының біріСмағұл Сәдуақасовтың есі­мі қаланың ең басты көшелерінің бірі – Интернационалдағы №2 мек­тепке беріліп, оқу ордасының алдына ескерткіші де орнатылмақ. Сонымен қатар,  Алаш қозғалысы белсенділерінің бірі, алғашқы қазақ дәрігерлері­нің қатарында болған Жұмағали Тілеу­линнің есімін  медициналық колледжге беру туралы ұсыныс та қара­латын болды. Ол үшін осы ұжым­ның мүшелерімен кездесіп, Жұма­ғалидың кім екенін таныстыратын топ құрылды.

Айтылған ұсыныстардың бәрін ономастикалық комиссия мүшелері бірауыздан қолдады. Енді бұл шешім Үкіметке жіберіледі.

Тағы да оқыңыздар: 27 қыркүйектен той өткізуге рұқсат берілді

Если вы заметили ошибку, выделите необходимый текст и нажмите Ctrl+Enter, чтобы сообщить об этом редакции
##СҚО жаңалықтары #Петропавл жаңалықтары #ономастика #алаш арыстары

Комментарии

Объявления
live comments feed...