12 ауыл баласы «Елбасы медалі» иегері атанды

Н. Назарбаев Қоры «Елбасы медалі» жобасы мен «Мың бала» олимпиадасында үздік нәтиже көрсеткен ауыл мектептерінің мұғалімдерін марапаттады. Аққайың ауданындағы білім ордаларының бірі 2 млн теңге сертификатқа ие болды, деп хабарлайды 7152.kz тілшісі.

Облыстық білім басақрмасы баспасөз қызметінің мәліметінше, «Елбасы медалі» жобасын іске асыру аясында белсенді ауыл мектептеріне талдау жүргізіліп, олардың ішінде Аққайың ауданындағы №1 Смирнов орта мектебінде «Елбасы медалінің» ең көп иегері анықталған. Білім ошағының 12 оқушысы бағдарламаны аяқтап, қола медальға ие болыпты. Ұстаздарға 2 млн теңге ақшалай сертификат табысталды.

Солтүстік Қазақстан облысы бойынша бағдарламаға қатысқан292 оқушы қола медальға ие болды. Қазір өңір бойынша «Елбасы медалі» бағдарламасына 404 жас қатысып жатыр.Оның ішінде жобаны биыл аяқтайтындар қатарындақола медальға258, күміс деңгейінде 70 үміткер бар. Облыс бойынша бағдарламаның жұмысын 19 тәлімгер, 1 өңірлік үйлестіруші және 1 сарапшы қамтамасыз етеді.

Тағы да оқыңыздар: Осы күнге дейін облыс бойынша 24 568 тұрғын вирус жұқтырды