Облыста толық локдаун енгізілу қаупі бар

Өңірде кейінгі екі аптада коронавирус жұқтырғандар саны 1,5 есеге көбейген. Санитар дәрігерлер мұны вакцина салдыру қарқынының төмендеуімен және «дельта» штамының кең таралуымен байланыстырып отыр. Сондықтан облыста  толық локдаун енгізілу қаупі бар деп хабарлайды 7152.kz тілшісі.

СҚО санитариялық-эпидемиологиялық бақылау департаменті басшысының орынбасары Арман Күшбасовтың сөзінше, соңғы уақытта өңір бойынша күніне небәрі 200-300 адам вакцина салдырады. Өз кезегінде бұл эпидемиологиялық ахуалға кері әсер етуде. Облыста вакцина салдыру қарқыны бәсеңдеп, ауру жұқтыру көрсеткіші көбеюде.

-Екі аптадан астам уақыт бойы Солтүстік Қазақстан облысы «қызыл» аймақта. Егер ауру жұқтыру қарқыны бәсеңдемесе,онда біз кәсіпорындардың жұмысын тоқтатып, толық локдаун енгізуге мәжбүр боламыз.Өйткені ауру жұқтырғандардың санының бірден артуы медициналық ұйымдарға үлкенсалмақ түсіреді- Арман Күшбасов.

Тағы да оқыңыздар:Мектептерде 142 сынып қашықтан оқып жатыр