Велоспиед ұрлап,пайда тапқан жігіт ұсталды

Петропавлдық полицейлер 7 бірдей  велосипед ұрлығына қатысы бар күдіктіні ұстады. Қазір ол уақытша қамауға алынған, оның  осындай басқа да қылмыстарға қатысы тексерілуде, деп хабарлайды 7152.kz тілшісі.

Велосипедтер көбінесе күндіз қаланың түрлі аудандарында жоғалған. Қаскөй бейне бақылау жүйесіне қосылмаған үй подъездерінде ұрлық жасаған. Күдіктінің айтуынша ол, ұрланған заттарды сатқан. Ұры көбіне  спорттық велосипедтерді қолды қылыпты.  Жәбірленушілердің ең кішкентайы 12 жаста.

Тәртіп сақшылары 24 жастағы қала тұрғынын қылмыс маңында орналасқан бейнекамералардың  көмегімен анықтады.  Ол бұрын қылмыстық жауапкершілікке тартылған. Одан 7 велосипед алынды. Аталған фактілер бойынша ҚР Қылмыстық кодексінің 188-бабының 3-бөлігінің 2-тармағы бойынша қылмыстық істер қозғалды.

Тағы да оқыңыздар:Білім бөлімінің мамандары оқушыларға арналған ноутбуктерді ломбардқа өткізген