ЖКО 29 жастағы қала тұрғыны қаза тапты

Петропавлда жол-көлік оқиғасы салдарынан жаяу жүргінші қаза тапты, деп хабарлайды 7152.kz тілшісі ҚР ІІМ ресми медиа-порталы Polisia.kz сілтеме жасап. 

Оқиға 2 шілде күні сағат 23:40-та  болған. Полицияға 2-ші Куйбышев  көшесі қиылысындағы айналма жолмен «Оңтүстік» шебі жүйесінің стационарлық бақылау-өткізу бекетіне жетпей, Audi маркалы көліктің жүргізушісі жаяу жүргіншіні қағып кеткені туралы хабарлама келіп түседі. Оқиға орнына полиция мен жедел жәрдем дәрігерлері шығады. Алайда дәрігерлер жеткенше 29 жастағы қала тұрғыны, жаяу жүргінші қайтыс болды. Жеңіл көлікті Қызылжар ауданының 21 жастағы тұрғыны басқарған. ЖКО фактісі бойынша ҚР ҚК 345-бабының 1-бөлігі бойынша сотқа дейінгі тергеу басталды, оның аясында барлық қажетті сараптамалар тағайындалды.

Тағы да оқыңыздар: Петропавлға уәде етілген автобустардың 20-сы жеткізілді