СҚО-да 71 ауыл әкімі сайланады

Шілденің 25-і ауыл әкімдерінің сайлауы өтеді. Сайлауалды үгіт-насихат жұмыстары шілденің 15-нен басталмақ. Бүгінде 42 азамат өз кандидатурасын ұсынған. Оның 25-і «Nur Otan» партиясының мүшесі, ал, қалған 17-сі өз-өздерін кандидат ретінде ұсынған, деп хабарлайды 7152.kz тілшісі. 

Мемлекет басшысы Қасым-Жомарт Тоқаевтың жарлығына сәйкес енді ауыл басшыларын тұрғындар сайлайды. Биыл науқанға барлық ауданнан кандидаттар қатысып отыр. Ең бастысы алдағы сайланған әкімдер белгілі мерзімді өтемей, қалаған кезінде өтініштерін жазып жұмыстан кете алады. Әрбір үміткерге сайлауалды жұмыстарын жүргізуге 220 мың теңгеден беріледі.

-Біз 71 әкімді сайлау керекпіз. Оның 70-і ауыл, ал біреуі Мамлют қаласының әкімі. Науқанды өткізу үшін 218 ауылда 174 сайлау учаскесін дайындадық. Яғни біз толықтай дайынбыз. Сайлау комиссиясының мүшелері президент жанындағы мемлекеттік басқару академиясында оқытылып, сертификаттар алды. Науқанға 190 млн теңге қарастырылып отыр. Бұл қаражаттың 70 проценті сайлау комиссиясының мүшелеріне жалақы ретінде беріледі,- деді СҚО сайлау комиссиясы төрағасының орынбасары Сергей Калинин.

Тағы да оқыңыздар: Демалыс күндері 4 адам суға кетті