Облыста 1 жастан асқан бала коронавирустан көз жұмды

Соңғы 3 тәуліктің ішінде облыста коронавирус жұқтырғандардың саны да, індеттен қайтыс болғандардың  қатары да өсті. Өңірде эпидемиологиялық ахуал күрделене түсті деп хабарлайды 7152.kz тілшісі.

Шілде айының басында инфекциялық стационарларға күніне 20 науқас түсетін болса, соңғы күндері олардың саны 100-ге жақындады. Осылайша бүгінде стационарлар 47% толық.Яғни 830 орынның 393-і бос емес. Сонымен қатар, жағдайы ауыр науқастар да көбейіпті. Бүгінде 11 азаматтың жағдайы өте ауыр, олар өкіпені жасанды желдету аппаратына қосылған.

Соңғы үш күнде өңірде КВИ-ден 4 пациент көз жұмды. Оның біреуі 1 жастан енді асқан бала. Ол вирусты ата-анасынан жұқтырған.

Денсаулық сақтау басқармасы баспасөз қызметінің мәліметінше стационарларға түсіп жатқан науқастардың бірі де вакцина алмаған екен.

Тағы да оқыңыздар: Президент коронавирустың таралуына байланысты халыққа үндеу жасады