Оқушыларды тасымалдау үшін жаңа көліктер сатып алынуда

Облыстағы 18 мектепке жаңа көлік сатып алынды. Олар алыстан келіп оқитын оқушыларды тасымалдауға арналған, деп хабарлайды 7152.kz тілшісі.

Облыстық білім басқармасы баспасөзінің мәліметінше, биыл Кирпичный шағын ауданындағы №12 орта мектепке баратын  оқушыларды тасымалдау мәселесі оң шешімін тапқан.  Аталмыш білім ордасына жету үшін 60 оқушы  4 км жүріп өтеді екен. Оларды тасымалдау үшін  12 млн теңгеге газель сатып алынды. Жаңа оқу жылынан бастап Кирпичный шағын ауданынан орта мектепке оқушыларды тасымалдау жүзеге асырылады.

Жыл сайын мектептері жоқ немесе тиісті мектептері жоқ ауылдардан балаларды күнделікті және апта сайын тасымалдау жүзеге асырылады. Өткен оқу жылы мектеп оқ 158 елді мекеннен бір жарым мың бала үшін тасымалдау ұйымдастырылған.Ол үшін 124 бірлік автокөлік бар. Автопаркті жаңарту мақсатында 2020 жылдың жазында білім беру ұйымдары үшін 42 бірлік автокөлік сатып алған болатын. Биыл автопаркті жаңарту жалғасуда. Ол үшін тағы 18 көлік  сатып алынады. Осылайша, облыстағы мектептердің автопаркі  50% - ға жаңартылады,- делінген ведомства баспасөз хабарламасында. 

Тағы да оқыңыздар:Карантин режимінің «қызыл мәртебесі» бар құқық бұзушылардың есімдері БАҚ-та жарияланады