Облыста КВИ-ге шалдыққан 43 науқас жансақтау бөлімінде жатыр

Өткен тәулікте өңірде 152  адам вирус жұқтырған. Оның ішінде 131-де немесе 86%-да ауру белгілері бар, деп хабарлайды 7152.kz тілшісі. 

Вирусты ең көп петропавлдықтар жұқтырған, 59 адам. Аудандар арасында, Айыртау ауданы-17, Қызылжар ауданы-12, Шал ақын,Тайынша аудандарында-11 факті. Жаңа жағдайлар облыстың барлық аудандарында анықталды. 

ПТР әдісімен зертханалық талдаулар эпидемиологиялық көрсеткіштер бойынша 143 азаматтан және эпидқадағалау мақсатында 9 азаматтан алынды. Облыста ПТР зерттеулер жүргізетін 4 зертхана жұмыс істейді. Пандемия кезеңінен бастап, облыс бойынша КВИ-ға – 393726 зерттеу жүргізілді; оң нәтижелер пайызы-жалпы санның 4,2% немесе 17583 құрады. Өткен тәулікте ПТР әдісімен 1183 зерттеу жүргізілді. 

Бүгінгі таңда инфекциялық стационарларда 661 адам ем қабылдауда. Оның  300-і оттегімен тыныс алуға тәуелді. 43 науқас жансақтау бөлімінде. Инфекциялық стационарлар 57 пайызға толық. Пандемия басталғалы облыста коронавирустан және коронавирустық инфекция белгісі бар пневмониядан барлығы 62 адам көз жұмды.

Тағы да оқыңыздар: Облыста кейбір ауылдар карантинге жабылуы мүмкін