2022 жылдан елімізде ең төменгі жалақы мөлшері 60 мың теңге болады

2022 жылдан бастап ең төменгі жалақы мөлшері 60 мың теңгеге дейін өсетін болды. Бұл туралы Мемлекет басшысы Қасым-Жомарт Тоқаев Қазақстан халқына Жолдауы барысында айтты, деп хабарлайды 7152.kz тілшісі. 

Елімізде ең төменгі жалақы 42500 теңгені құрайды. Ол 2018 жылдан бері өзгермеген. Мемлекет басшысы өзінің үшінші жолдауында төменгі жалақы көлемі өсетіндігін айтты.

-Төменгі жалақы көлемі 2018 жылдан бері өспеді. Әлемдік коронакризис халықтың табысына салмақ түсірді. Сонымен қатар Қазақстан төменгі жалақы көлемі бойынша ТМД-ның көптеген елінен қалып қойған. Сол себепті мен 2022 жылғы 1 қаңтардан бастап төменгі жалақы көлемін 42500 теңгеден 60 мың теңгеге өсіру туралы шешім қабылдадым - деді Мемлекет басшысы.

Тағы да оқыңыздар:Оңтүстіктен солтүстікке көшкен азаматтарға шаруашылыққа жер беріледі