Петропавлда 18-19 қыркүйек күндері су беру тоқтатылады

Петропавлда 18-19 қыркүйек күндері су болмайды, деп хабарлайды 7152.kz тілшісі.

Жыл сайынғы  профилактикалық жұмысқа сай, қаланы сумен қамтитын «Қызылжар су» ЖШС сумен жабдықтау желіcін дезинфекциялау және жуып-шаю үшін 18-19 қыркүйек күндері су беруді тоқтатады. Бұл күндері құбырдан немесе сырттағы су құдығынан суды алып пайдалануға және тамақ әзірлеуге тыйым салынады.

- Есіл өзенінде жазда су температурасы көтеріліп, су қоймасында микробиология көрсеткіштері өседі, салдарынан судың сапасы нашарлайды. Бұл мәселені шешу үшін біз су құбыры желілерін жуып-шайып, зарарсыздандырамыз. Су беруді сенбі 18 қыркүйек күні сағат 00.00-де тоқтатуды жоспарладық. Ал дезинфекция мен жуып-шаюды сол күні сағат 22.00-де бастаймыз. Сол себепті алдын ала жеткілікті мөлшерде су құйып алуды сұраймыз. Өйткені бұл кезде кранның суын пайдалануға болмайды. Уақытша ыңғайсыздық үшін кешірім сұраймын және оған түсіністікпен қараңыздар, - деп жазды желідегі парақшасында «Қызылжар Су» ЖШС бас директоры Жеңіс Сұлтанов.

Тағы да оқыңыздар:Банктер қазақстандықтардың ақшасын негізсіз ұстап отырған