3 көлік соқтығысып, бір адам көз жұмды

Бескөл  ауылы маңында үш көлік соқтығысып,  салдарынан бір адам мерт болды, деп хабарлайды 7152.kz тілшісі.

Қызылжар аудандық полиция бөлімінің мәліметінше, жол-көлік оқиғасы бүгін сағат 10.30 шамасында «Нұр-Сұлтан-Петропавл» автожолының Бескөл ауылы маңындағы көпірге көтерілетін жерде болған. «ВАЗ-2112», «ГАЗ 3507» және «ГАЗель» көліктері соқтығысқан. Салдарынан «ВАЗ-2112» көлігінің 46 жастағы жолаушысы мерт болды.

Жол-көлік оқиғасы ҚР ҚК 345-бабы 3-бөлігінде көзделген қылмыстық құқық бұзушылық құрамының белгілері бойынша Сотқа дейінгі тергеп-тексерулердің бірыңғай тізіліміне енгізілді. Барлық зардап шеккендер медицина ұйымдарына жеткізілді.

Оқиға орнына Қызылжар ауданының жедел-тергеу тобы шықты. Тәртіп сақшылары сотқа дейінгі тергеу барысында жол-көлік оқиғасының мән-жайын анықтайтын болады. Қажетті сараптамалар тағайындалды. 

Тағы да оқыңыздар: 2022 жылдан бірінші сынып оқушыларына жаңа пән енгізіледі