Өңірде КВИ-ден көз жұмғандар саны 300-ге жуықтады

Облыста өткен тәулікте өңірде 143 адамнан қауіпті инфекция анықталды. Ең жоғары көрсеткіш Петропавл қаласында тіркелген. Мұнда 65 адам  вирус жұқтырған, деп хабарлайды 7152.kz тілшісі.

Аудандар бойынша Қызылжар ауданында 13, Тайынша ауданында 11, Есіл, Жамбыл және  М.Жұмабаев аудандарында 10, Айыртау ауданында 12 науқас анықталды.

Өткен тәулікте өңірде 3 адам дерттен көз жұмды. Коронавирус басталғалы жалпы 295 жерлесіміз ауырып, қайтыс болды.  Қазір жұқпалы аурулар ауруханасында 1755 жатын орын бар, ол 44 пайызға жүктелген. Бұл жерде 769 адам ем алып жатыр. 121 орынға шақталған жансақтау бөлімінде 51 адам жатыр.  Жалпы  індет басталғалы облыс бойынша осы күнге дейін 28808 тұрғын вирус жұқтырды. Ал жазылып шыққандардың саны 25587 адам.

Тағы да оқыңыздар: Сүт безінің қатерлі ісігінен 9 ай ішінде 46 жерлесіміз көз жұмды