Студенттердің шәкіртақысы өсті

Студенттер осы айдан бастап ұлғайтылған көлемде стипендия алады, деп хабарлайды 7152.kz тілшісі.

Өткен жылы Мемлекет басшысы үкіметке бакалавриат, магистратура, докторантура мен колледжде оқитындардың шәкіртақысын 25 процентке өсіруді тапсырған болатын.

Бакалавр дәрежесінде білім алушылардың шәкіртақысы осы айдан бастап 20 949-теңгеден 26 186 теңгеге өсті. Магистранттардікі 53 530-дан 66 913 теңгеге жетті. Ал докторантура шәкіртақысы 81 998-ден 102 498 теңгеге көтерілді. ЖОО-да оқитындардың ғана емес, техникалық және кәсіптік білім беретін оқу орындарындағы жастардың, яғни колледж студенттерінің шәкіртақысы да 25 процентке өсті.

Тағы да оқыңыздар: Халыққа қызмет көрсету орталықтары 5 күндік жұмыс кестесіне көшеді