Айыртау ауданында болған дала өртін сөндіруге 100-ден астам адам мен тікұшақ жұмылдырылды

11 сәуірде  Айыртау ауданының аумағында Имантау ауылының маңында табиғи өрт болды. Оны сөндіру үшін 100-ден астам адам мен тікұшақ тартылды, деп хабарлайды 7152.kz тілшісі.

Өрт Имантау ауылынан 5 шақырым жерде орын алды. От күннің бірінші жартысында құрғақ шөптің жануынан пайда болды. Тілсіз жау«Қарауылтөбе орман шаруашылығы» КММ орманына тез өткен.Өртті сөндіру үшін СҚО ТЖД, «Көкшетау» мемлекеттік ұлттық паркінің Арықбалық және Шалқар филиалдарының, бірнеше ЖШС және шаруа қожалықтарының барлық құрылымдық күші, тіпті әуе күштері жіберілді. Тілсіз жауды ауыздықтауға жергілікті тұрғындар да ат салысты. Барлығы жеке құрамнан 114 адам, 16 бірлік техника және 1 тікұшақ жұмылдырылды. Зардап шеккендер жоқ. От шамамен 100 га жерді шарпыған.

Тағы да оқыңыздар: Жыл басынан 1495 адамға қатысты түнгі тыныштықты бұзған үшін хаттама толтырылды